تخفيض عدد عروض دعم الانتاج والترويج

السنة اللي مضات.. دفتر التحملات كان حدد عدد العروض ف 5.. بالنسبة لعروض الإنتاج والترويج.. و20 عرض بالنسبة لعروض التوطين.. الفرق اللي حصلات على التوطين جاوها 20 عرض بزاف.. جمعوا راسهم ومشاوا عند الكاتب العام.. وفعلا خفض ليهم العدد للنصف.. وهذ العام نقصوا ليهم فدفتر التحملات 5 يعني بقاوا فقط 15..
بالنسبة للفرق الحاصة على دعم الانتاج والترويج هذ العام زادو ليهم 3 دالعروض ف 3 ديال الجهات.. وحتى واحد ماهضر.. كلشي سكت.. وضرب الطماطم.. وايلا حسبتبها.. وكيفاش ما حسبتيها.. ماعمرها تخرجك.. خصوصا مع التقسيم الجهوي الجديد..
فالقوت اللي كنا كنتسناوا مع رفع عدد العروض ترفع قيمة الدعم.. بقى الحال على ماهو عليه..
وفالوقت اللي كنا كنتسناوا الفيدرالية تنوض وتهضر على هذ المشكل.. فضلت السكوت.. وكأن الأمر لا يعنيها.. علما أن دفتر التحملات الأول كان بالتوافق بين الوزراة والهيئات التمثيلية.. إذن دفتر التحملات الثاني ضرورري غادي يكون بتوافق بين الوزارة والهيئات التمثيلية.. سكوت الفيدرالية.. معناه أنها راضية على هذ الشي.. أو أنها موافقة على هذ الشي..
السؤال..
واش ماشي من حق الفرق اللي حصلت على دعم الإنتاج والترويج.. سسيرا على اجتهاد فرق التوطين.. أنها تشكل لجنة.. وتدخل عند الكاتب العام وتوصل معه لاتفاق جديد؟..
أي فؤقة كتشوف راسها معنية بشكل مباشر بهذ المسألة.. تسجل اسمها.. في انتظار أننا نشكلوا لجنة للحوار.. خاصة أمام صمت الفيدرالية..
اللي معني بالأمر يسجل اسم فرقته.. هنا..