ايجاد حل نهائي لعدم توفر الضغط الكافي لتزويد المواطنين بالماء الصالح للشرب وانقطاع متتالي للماء بمدينة الداخلة جوهرة الجنوب
السلام عليكم سكان مدينة الداخلة الكرام :
اليوم وأكثر من أي وقت مضى ولاو طرق حضارية بعيدا عن الأشكال الاحتجاجية الكلاسيكية هادا علاش جينا اليوم نديرو هاد العريضة ونطالبو من خلالها الجهات المسؤولة والضمائر الحية باش يتدخلو كل واحد من بلاصتو لحل مشكل الماء في الداخلة.
لاشك انك اذا كنتي ساكن فالداخلة او حتى الى جيتي زائر انك غادي تتفاجئ بوجود بومبات ديل الماء في جميع المنازل والهدف من وصل هاد البومبات بالمنازل هو توفير ظغط كافي لتزويد السكان بالماء ولهذا السبب انت معني بتوقيع هاد العريضة باش تساهم في التغيير.
التغيير بطريقة حضارية جا تال عندك ها هو بين يديك غاتاخد 30 ثانية باش تسني هاد العريضة وبارطاجيها في اوسع نطاق وأكيد كيعنيك الامر لانك ساكن في الداخلة وغاتكون كاتعاني مع انقطاع الماء وغلاء الفواتير.
مطلبنا من خلال هاد العريضة بسيط هو رفع الضرر عن جوهرة الجنوب وحل مشكل انقطاع الماء وظعف الظغط وإنهاء استعمال البومبات لي من دون ادنى شك عندها تأثير على الصحة وعلى اموال الشعب.
Ali ezahouani تواصل مع كاتب العريضة