حركة شباب الصحراء الشرقية المغربية ضدد فتح الحدود مع الجزائر

عندما نعيش الحلم
في حياة كل واحد منا كاينة أحلام حاب يحققها كاين هدف حاب يوصلوا أنا من زمان عندي أحلام بصح في نفس الوقت يقولوا علي بلي عندك مواهب في التقديم الصحفي هذا الشي خلاني نفكر أني نعمل على أني نلقى الطريق والمعين إلي يدلني على كيفاه نوصل لحلمي ولا يعاوني وباه نحقق حلمي .
يكتب ربي ونروح لسطيف ونريح في فندق جد متواضع اسموا القاري ونلقى في وحدة من الغرف نتاوعوا وبالضبط في الخزانة واحد من الشباب كاتب بلي كاين صحفي اسموا عبد الله عاونوا باه يغير حياتوا ويروح لدبي كانت بالنسبة لي مفاجأة أول مرة يكون قدامي تيليفون نتاع صحافي ومن فوق يعاون الشباب وأنا أكثر من ذلك حاب نتكون في الصحافة ولما لا نكون كاشي نهار في قناة كبيرة بدا يكبر الحلم في قلبي مع التردد في هذاك النهار بيبيت لعبد الله وباه نتأكد بلي النيميروا راه يمشي هذا كلوا كان في أكتوبر 2011 بعد أشهر وبالضبط في ماي 2012 قررت رسميا نتصل بالأستاذ عبد الله كان منوا الترحيب والقبول بعد أيام خبرني بلي راه راح يزور باتنة أنا كنت طالب ندرس ثمة اتفقنا انا نتلاقاو في
فندق الشيليا بباتنة في الجمعة العشية كان أول لقاء مباشر مع الأستاذ عبد الله قام بواجب الضيافة معايا كيما لازم الحال تكلمنا تناقشنا بينلي مجموعة من تصاوروا مع فنانين وسياسيين مشهورين ومعروفين بعدها سلمتوا مجموعة من أعمالي الصحفية على أساس أنوا يعاوني لقيت مجموعة من الشباب تكلمنا معاهم حول مواضيع مختلفة كاين شباب حاب تكون عندوا الفيزا شباب حاب يخدم وشباب…بعضهم عندهم أفكار مأساوية بعضهم عندهم أحلام … بعدها تلاقيت مع الأستاذ عبد الله عند فندق سليم بباتنة تلقيت حينها مع الصديق جودي شاب حاب يقاجي في الجيش بصح عندوا مشكل في عينيه والأستلذ عبد الله حاب يعاونوا من بعد ما تلاقيتش بيه لأشهر بعدها تواصلت معاه وقالي ماذا بيك تلتحق بالفريق وكاين الجديد بالنسبة لموضوعك رحت مأمل أنوا يساعدني الأستاذ عبد الله درنا رحلة للورقلة ساعدنا الشاب عبد الحق بعدها درنا زيارة لغرداية وشفنا معالمها السياحية الرائعة الصحفي عبدالله خبرني أنوا راح يعاوني وباه نروح لمركز تدريب صحفي في الخليج العربي وقالي باءذن الله شهرين ثلاثة تكون إما في قطر ولا دبي فرحت بزاف أحلامي بدات راح تتحقق الصحفي عبد الله قرر باه يعاوني ما عليا غير نحضر روحي ونعاونوا في برامجوا الخيرية إلي راه يقوم بيها في كل مكان أنا نحيي عبد الله بزاف لأنوا فتحلي نافذة أمل خاصة أني متخرج من الجامعة وبطال’ عبد الله كيما شفتوا وسمعتوا كي رجل عيد الميلاد يجيب الهدايا للجميع بصح في كل العام، مش في غير يوم واحد في العام، وهو مستعد أنوا يساعد الشباب لكل من يرغب في مساعدة الأستاذ عبد الله يتصل ب 0661531657 أو يبعث السيفي نتاعوا على netsahafa@yahoo.fr
يوسف الداي